कोणताही असु देत आजार,
त्यावर करता तुम्ही योग्य उपचार,
डॉक्टर थोर तुमचे उपकार
कोणतीही व्याधी, कोणतीही संकटे,
यातून मार्ग दाखविता तुम्ही एकटे,
डॉक्टर थोर तुमचे उपकार
दैवासम आपली व्यक्तीरेखा भासे,
तारण्या आम्हा दूजा कोणी नसे,
डॉक्टर थोर तुमचे उपकार
सद्य परिस्थितीतीत कार्य थोर आपले,
मानसिकतेबरोबर आजारही जपले,
डॉक्टर थोर तुमचे उपकार
निस्सीम सेवा, अगाध परिश्रम,
बनविले प्रत्येकास पुन्हा सक्षम,
डॉक्टर थोर तुमचे उपकार
सौ अर्चना दीक्षित
मुंबई
कोणत्याही टिप्पण्या नाहीत:
टिप्पणी पोस्ट करा