गुलाबी थंडी

आमच्या गावाकडल्या थंडीची औरच मजा, 

कितीबी थंडी असो आम्हाला नाय वाटत सजा

दिवसभर शेती करून थकून येतो घरी, 

खाया मिळते मग गरम गरम झुणका भाकरी 

थंडीच्या दिवसांत खाण्या पिण्याची मजा असते भारी, 

शेकोटीला घेर धरून बसतात मंडळी सारी 

आज्जीच्या साडीची घोंगडी बाहेर निघतात, 

अंगावर घेताच ऊब निर्माण करतात 

दरवळतो सुगंध आल्याच्या चहाचा, 

साखर नव्हे आमचा चहा असतो बरका गुळाचा 

यावा एकदा गावाकडं थंडीच्या दिवसांत, 

गुलाबी थंडीत इकडच्या, पाखरेही विसावतात 

सौ अर्चना दीक्षित 

मुंबई