पत्र म्हणजे काय असते
हे ठाऊक नाही या नवीन पिढीला,
या नुसत्याच आठवणी बनून
राहिल्या आहेत आजच्या घडीला
पोस्टमन काका येत असत,
मामाचं पत्र देत असत,
आत्ताची पिढी या प्रकरणी
अगदी अनभिज्ञ असत
मामाचं काय पण सगळेच
पत्र व्यवहार पडले मागे,
नुसतच हे ब्रो व्हॉट्स अप
ऑलवेल विचाराने कसे जुळतील धागे
आजकालच्या जमान्यात लिहीण्याची
पार सवय मोडली आहे,
त्यामुळे शब्द संपत्ती पण
मागे पडली आहे
ऑनलाईनच्या काळात
कम्प्युटर गेमने फिरवलय डोकं
माझ्या मामाच पत्र हरवल
या खेळाचं आठवणींनी भरलं खोकं
सौ अर्चना दीक्षित
मुंबई
कोणत्याही टिप्पण्‍या नाहीत:
टिप्पणी पोस्ट करा